Almaty qalasynda áiel turǵyn úi kesheniniń aýlasynda bosanyp qaldy. Erekshe oqiǵa Naýryzbai aýdanyndaǵy «Shuǵyla» shaǵyn aýdanynda ornalasqan turǵyn úi kesheninde bolǵan, dep habarlaidy ult.kz.
Qalalyq Qoǵamdyq densaýlyq saqtaý basqarmasynyń málimetinshe, jedel járdem qyzmetine shaqyrtý tańǵy saǵat 06:21-de túsken. Dárigerler oqiǵa ornyna nebári 10 minýtta jetken.
Alaida meditsina qyzmetkerleri kelgen kezde áiel bosanýdyń belsendi kezeńinde bolǵan. Sonyń saldarynan sábi jedel járdem kóliginiń zembilinde dúniege kelgen.
Dúniege salmaǵy 3 370 gramm qyz bala keldi. Dárigerlerdiń aitýynsha, bosaný sátti ótken.
Qazir anasy men jańa týǵan náresteniń jaǵdaiy jaqsy. Ekeýi de dárigerlerdiń baqylaýynda.
