Almatyda adamdardy qalaǵa ainalma jolmen tasymaldaǵan taksi júrgizýshileri ustaldy dep habarlaidy "Ult aqparat".
Almaty qalalyq PD habarlaýynsha, jeke taksi júrgizýshileri jarnama berý arqyly adamdardy aimaqtan qalaǵa zańsyz tasymaldaǵan.
«Júrgizýshiler ońai aqsha tabý jolynda buzaqylyqqa barǵandaryn aitty,óitkeni osy kúnderi jolaýshylar tasymaly, olardyń aitýynsha, birneshe ese qymbattady. Óz jarnamalarynda olar bir adamǵa bes myń teńge bergen jaǵdaida qalaǵa alyp kiretinderin jáne qaladan shyǵaratyndaryn jazǵan. Bul «buzaqylar»ainalma joldy bildi jáne arnaiy syzba jasady: olardyń bireýi jolaýshylardy bir jaqtan alyp, ainalma jolda belgili bir jerge alyp barady, sol jerde, jospar boiynsha, olardyń klienti basqa taksi júrgizýshisine deiin sál júrip barýy kerek, ol taksi óz kezeginde jolaýshyny meken-jaiyna deiin jetkizedi.Mundai syzba eki jaqta da jumys jasady.Ustalǵan eki taksi júrgizýshi bir-birine týysqan bolyp keledi jáne Almaty oblysynda turady. Aiyptalýshylardyń anyqtalýy men ustalýy Almaty qalasyndaǵy UQK qyzmetkerleriniń jáne PD ózin-ózi qorǵaý basqarmasynyń kómegimen júzege asyryldy», – dedi Naýryzbai aýdandyq politsiia basqarmasynyń basshysy Didar Ahanov.
Quqyq buzýshylarǵa qatysty QR Ákimshilik quqyq buzýshylyq týraly kodeksiniń 476-baby (tótenshe jaǵdaidy buzý) boiynsha hattama tolytyryldy. Jinaqtalǵan materialdar aiyppul túrinde nemese ákimshilik qamaýǵa alý týraly sheshim shyǵaratyn Almaty qalasynyń mamandandyrylǵan aýdanaralyq ákimshilik sotyna jiberildi.
