Almatyda adam óltirmek bolǵandar ustaldy, - dep habarlaidy Tengrinews.kz agenttigi Bas kólik prokýratýrasyna silteme jasap.
Vedomstvonyń málimetinshe, oqiǵa ótken jazda Almatyda bolǵan. Atyshýly is boiynsha Jetisý kólik prokýratýrasynyń jetekshiligimen vedomstvoaralyq jedel-tergeý toby jumys istedi.
"Kólik politseilerimen birlese júrgizilgen is-shara nátijesinde A. esimdi er adamnyń qylmysy áshkerelenip, ustaldy. Tergeý barysynda qylmyskerdiń jábirlenýshige tórt ret oq atqany, onyń úsheýi nysanaǵa tigeni belgili boldy. Qylmys dushpandyqtan týyndaǵan", - dedi qadaǵalaý organy.
Biyl bolǵan sot úkimimen azamat A. 10 jylǵa bas bostandyǵynan aiyryldy.
Myltyqty jasyrýǵa kómektesken azamat K. shartty túrde 3 jyl 6 aiǵa bas bostandyǵynan aiyryldy.
"Memlekettik aiyptaýshy asa aýyr qylmystyń izin jasyrýǵa kómektesken adamǵa jeńil jaza berilgenine kelispei, úkimdi qaita qaraý týraly ótinish berdi. Apelliatsiialyq sot prokýrordyń ustanymyn qoldap, azamat K.-ny naqty bas bostandyǵynan aiyrý jazasyna kesti", - dep tolyqtyrdy prokýratýra.
