Almatyda adam óltirdi degen kúdikti ustaldy. Bul týraly Almaty Politsiia departamenti bastyǵynyń tergeý jónindegi orynbasary Rýstam Ábdirahmanov málimdedi, - dep habarlaidy Tengrinews.kz.
Asa aýyr qylmys 4 sáýirde tańerteń Bostandyq aýdanynda bolǵan. Aqparat "102" pýltine saǵat 8:59-da túsken.
"Ańshy myltyǵy oǵynan 1975 jyly týǵan Sh. esimdi azamat qaza tapty. Qylmys "izi sýymai" ashyldy. Kúdikti "Ustaý" arnaiy jospary barysynda Almaty qalasy Alataý aýdany aýmaǵynda quryqtaldy", - dedi Ábdirahmanov.
Qylmys jasalǵan qarý tárkilengen. Kisi óltirý sebebi anyqtalyp jatyr. Qylmystyq isti tergeý barysy men nátijesi Politsiia departamenti baqylaýynda.
