Halyqaralyq Túrki akademiiasy Ál-Farabi atyndaǵy Qazaq ulttyq ýniversitetinde «Ulylar úndestigi: Farabi men Mashani» atty ǵylymi jiyn ótkizdi, dep habarlaidy QazAqparat.
Uly oishyl Ábý Nasyr ál-Farabidiń 1150 jyldyq mereitoiy aiasynda ótken alqaly jiynǵa Halyqaralyq Túrki akademiiasy prezidenti Darhan Qydyráli, ál-Farabi atyndaǵy Qazaq ulttyq ýniversitetiniń rektory Ǵalymqaiyr Mutanov, Qazaqstan Respýblikasynyń Ulttyq Ǵylym akademiiasynyń akademigi Ábsattar Derbisáli, Qazaqstan Respýblikasynyń Ulttyq Ǵylym akademiiasynyń akademigi Áliia Beisenova, filosofiia ǵylymdarynyń doktory, ál-Farabi atyndaǵy Qazaq ulttyq ýniversitetiniń professory Jaqypbek Altaev, ál-Farabi atyndaǵy Qazaq ulttyq ýniversitetiniń, ál-Farabi ortalyǵy direktory, dotsent, filosofiia ǵylymdarynyń kandidaty Bekjan Meiirbaev, Aqjan Jaqsybekulynyń jary Jamal Shoraiqyzy Mashani, tarih ǵylymdarynyń doktory, L.Gýmilev atyndaǵy EUÝ professory Zada Dúkenbaeva, sonymen qatar kórnekti qoǵam qairatkerleri, ult ziialylary men belgili ǵalymdar qatysty.
Shara barysynda Ábý Nasyr ál-Farabi mirasyn jańǵyrtýǵa eleýli úles qosyp, uly oishyl muralarynyń shyraqshysy bolǵan Aqjan Jaqsybekuly Mashanidiń 114 jyldyq toiy atalyp ótti.
Sonymen qatar, atalǵan shara aiasynda Ábý Nasyr Ál-Farabi men Aqjan Mashanidyń Túrki akademiiasy basyp shyǵarǵan jańa kitaptarynyń tusaýkeseri boldy. Atap aitqanda, ál-Farabidiń «Kniga o slovah, ýpotrebliaemyh v logike» traktaty alǵash ret arab tilinen tolyqtai aýdarylyp, oqyrman nazaryna usynyldy. Sonymen qatar, akademiia baspaǵa ázirlegen Aqjan Mashanidiń «Álem shyraiy» atty eńbegi men «Jibek jolyndaǵy órkenietter úndestigi» atty ǵylymi jinaq ta Farabi jylyndaǵy jobalardyń tabysty nátijesi boldy.
Aita ketiik, túrki álemi ǵylymynyń damýyna jáne tarihi tamyrlastyqty zerdeleýge qosqan úlesi úshin ál-Farabi atyndaǵy Qazaq ulttyq ýniversitetiniń rektory Ǵalymqaiyr Mutanov Halyqaralyq Túrki akademiiasynyń altyn medalimen, al belgili shyǵystanýshy, akademik Ábsattar Derbisáli kúmis medalmen marapattaldy.
