حالىقارالىق تٷركٸ اكادەميياسى ەل-فارابي اتىنداعى قازاق ۇلتتىق ۋنيۆەرسيتەتٸندە «ۇلىلار ٷندەستٸگٸ: فارابي مەن ماشاني» اتتى عىلىمي جيىن ٶتكٸزدٸ, دەپ حابارلايدى قازاقپارات.
ۇلى ويشىل ەبۋ ناسىر ەل-فارابيدٸڭ 1150 جىلدىق مەرەيتويى اياسىندا ٶتكەن القالى جيىنعا حالىقارالىق تٷركٸ اكادەميياسى پرەزيدەنتٸ دارحان قىدىرەلٸ, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى عالىمقايىر مۇتانوۆ, قازاقستان رەسپۋبليكاسىنىڭ ۇلتتىق عىلىم اكادەميياسىنىڭ اكادەميگٸ ەبساتتار دەربٸسەلٸ, قازاقستان رەسپۋبليكاسىنىڭ ۇلتتىق عىلىم اكادەميياسىنىڭ اكادەميگٸ ەلييا بەيسەنوۆا, فيلوسوفييا عىلىمدارىنىڭ دوكتورى, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ پروفەسسورى جاقىپبەك التاەۆ, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ, ەل-فارابي ورتالىعى ديرەكتورى, دوتسەنت, فيلوسوفييا عىلىمدارىنىڭ كانديداتى بەكجان مەيٸرباەۆ, اقجان جاقسىبەكۇلىنىڭ جارى جامال شورايقىزى ماشاني, تاريح عىلىمدارىنىڭ دوكتورى, ل.گۋميلەۆ اتىنداعى ەۇۋ پروفەسسورى زادا دٷكەنباەۆا, سونىمەن قاتار كٶرنەكتٸ قوعام قايراتكەرلەرٸ, ۇلت زييالىلارى مەن بەلگٸلٸ عالىمدار قاتىستى.
شارا بارىسىندا ەبۋ ناسىر ەل-فارابي ميراسىن جاڭعىرتۋعا ەلەۋلٸ ٷلەس قوسىپ, ۇلى ويشىل مۇرالارىنىڭ شىراقشىسى بولعان اقجان جاقسىبەكۇلى ماشانيدٸڭ 114 جىلدىق تويى اتالىپ ٶتتٸ.
سونىمەن قاتار, اتالعان شارا اياسىندا ەبۋ ناسىر ەل-فارابي مەن اقجان ماشانيدىڭ تٷركٸ اكادەميياسى باسىپ شىعارعان جاڭا كٸتاپتارىنىڭ تۇساۋكەسەرٸ بولدى. اتاپ ايتقاندا, ەل-فارابيدٸڭ «كنيگا و سلوۆاح, ۋپوترەبلياەمىح ۆ لوگيكە» تراكتاتى العاش رەت اراب تٸلٸنەن تولىقتاي اۋدارىلىپ, وقىرمان نازارىنا ۇسىنىلدى. سونىمەن قاتار, اكادەمييا باسپاعا ەزٸرلەگەن اقجان ماشانيدٸڭ «ەلەم شىرايى» اتتى ەڭبەگٸ مەن «جٸبەك جولىنداعى ٶركەنيەتتەر ٷندەستٸگٸ» اتتى عىلىمي جيناق تا فارابي جىلىنداعى جوبالاردىڭ تابىستى نەتيجەسٸ بولدى.
ايتا كەتيٸك, تٷركٸ ەلەمٸ عىلىمىنىڭ دامۋىنا جەنە تاريحي تامىرلاستىقتى زەردەلەۋگە قوسقان ٷلەسٸ ٷشٸن ەل-فارابي اتىنداعى قازاق ۇلتتىق ۋنيۆەرسيتەتٸنٸڭ رەكتورى عالىمقايىر مۇتانوۆ حالىقارالىق تٷركٸ اكادەميياسىنىڭ التىن مەدالٸمەن, ال بەلگٸلٸ شىعىستانۋشى, اكادەميك ەبساتتار دەربٸسەلٸ كٷمٸس مەدالمەن ماراپاتتالدى.
