Almatyda Qazaqstannyń halyq jazýshysy Ábdijámil Nurpeiisovtiń 95 jyldyq mereitoiy atalyp ótýde, dep habarlaidy QazAqparat.
Abai atyndaǵy Memlekettik akademiialyq opera jáne balet teatryna týǵan kún iesiniń jaqyndary men týystary, sondai-aq memleket qairatkerleri men jazýshylar jinaldy.
Saltanatty jiynda QR Memlekettik hatshysy Qyrymbek Kósherbaev quttyqtaý sóz sóiledi. Ol Elbasy Nursultan Nazarbaev pen Qazaqstan Prezidenti Qasym-Jomart Toqaevtyń joldaǵan quttyqtaýyn oqyp berdi.
«Qurmetti Ábdijámil Kárimuly! Mereili 95 jasqa tolǵan torqaly toiyńyzben shyn júrekten quttyqtaimyn. Kózi tiri klassik, sóz óneriniń sardary, qurmetti qalamgerlerden týǵan qairatker retinde siz ulttyq ádebietimiz ben mádenietimizdiń damýyna, onyń álemdik deńgeide tanylýyna súbeli úles qostyńyz. Qalyń jurtyshylyq jaqsy biletin «Qan men ter», «Sońǵy paryz» siiaqty áigili shyǵarmalaryńyz arqyly oqyrmanyń birneshe býynynyń shynaiy qurmetine bólendińiz. Halqyńyzdyń san-salaly tynys tirshiligin epopeialyq aýqymmen sheber sýrettep, qazaqtyń ómirde qaitalana bermes biregei beinesin somdaǵan kórkem týyndylaryńyz jas urpaqqa ulaǵatty oi aitýymen erekshelenedi. Aldaǵy ýaqytta da sizge shyǵarmashylyq tabys, zor densaýlyq, otbasyńyzǵa baq-bereke tileimin» delingen Nursultan Nazarbaev joldaǵan jedelhatta.
Prezident Qasym-Jomart Toqaevtyń quttyqtaý hatynda jazýshynyń «Qan men ter», «Sońǵy paryz» romandary qazaq kórkem sóziniń altyn qazynasyna enip, álem ádebietinde ózindik orny bar rýhani qundylyqqa ainalǵany jaiynda aitylady. Jazýshynyń jalpyadamzattyq máselelerdi arqaý etken shyǵarmalary arqyly halqymyzdy búkil dúniejúzi tanyǵanyna da toqtalǵan.
Saltanatty keshte Ábdijámil Nurpeiisovke QR Mádeniet jáne sport ministri Aqtoty Raiymqulova, Almaty qalasynyń ákimi Baqytjan Saǵyntaev, Qyzylorda oblysynyń ákimi Qýanyshbek Ysqaqov, sondai-aq belgili jazýshylar men jýrnalister jyly lebiz bildirdi.
Sonymen qatar, QR Parlamenti Májilisiniń Tóraǵasy Nurlan Nyǵmatýlin men QR Parlamenti Senatynyń Tóraǵasy Dariǵa Nazarbaeva quttyqtaý hat joldady.
Shyǵarmashylyq kesh kontserttik baǵdarlamaǵa ulasty.
