الماتىدا قازاقستاننىڭ حالىق جازۋشىسى ەبدٸجەمٸل نۇرپەيٸسوۆتٸڭ 95 جىلدىق مەرەيتويى اتالىپ ٶتۋدە, دەپ حابارلايدى قازاقپارات.
اباي اتىنداعى مەملەكەتتٸك اكادەمييالىق وپەرا جەنە بالەت تەاترىنا تۋعان كٷن يەسٸنٸڭ جاقىندارى مەن تۋىستارى, سونداي-اق مەملەكەت قايراتكەرلەرٸ مەن جازۋشىلار جينالدى.
سالتاناتتى جيىندا قر مەملەكەتتٸك حاتشىسى قىرىمبەك كٶشەرباەۆ قۇتتىقتاۋ سٶز سٶيلەدٸ. ول ەلباسى نۇرسۇلتان نازارباەۆ پەن قازاقستان پرەزيدەنتٸ قاسىم-جومارت توقاەۆتىڭ جولداعان قۇتتىقتاۋىن وقىپ بەردٸ.
«قۇرمەتتٸ ەبدٸجەمٸل كەرٸمۇلى! مەرەيلٸ 95 جاسقا تولعان تورقالى تويىڭىزبەن شىن جٷرەكتەن قۇتتىقتايمىن. كٶزٸ تٸرٸ كلاسسيك, سٶز ٶنەرٸنٸڭ ساردارى, قۇرمەتتٸ قالامگەرلەردەن تۋعان قايراتكەر رەتٸندە سٸز ۇلتتىق ەدەبيەتٸمٸز بەن مەدەنيەتٸمٸزدٸڭ دامۋىنا, ونىڭ ەلەمدٸك دەڭگەيدە تانىلۋىنا سٷبەلٸ ٷلەس قوستىڭىز. قالىڭ جۇرتىشىلىق جاقسى بٸلەتٸن «قان مەن تەر», «سوڭعى پارىز» سيياقتى ەيگٸلٸ شىعارمالارىڭىز ارقىلى وقىرمانىڭ بٸرنەشە بۋىنىنىڭ شىنايى قۇرمەتٸنە بٶلەندٸڭٸز. حالقىڭىزدىڭ سان-سالالى تىنىس تٸرشٸلٸگٸن ەپوپەيالىق اۋقىممەن شەبەر سۋرەتتەپ, قازاقتىڭ ٶمٸردە قايتالانا بەرمەس بٸرەگەي بەينەسٸن سومداعان كٶركەم تۋىندىلارىڭىز جاس ۇرپاققا ۇلاعاتتى وي ايتۋىمەن ەرەكشەلەنەدٸ. الداعى ۋاقىتتا دا سٸزگە شىعارماشىلىق تابىس, زور دەنساۋلىق, وتباسىڭىزعا باق-بەرەكە تٸلەيمٸن» دەلٸنگەن نۇرسۇلتان نازارباەۆ جولداعان جەدەلحاتتا.
پرەزيدەنت قاسىم-جومارت توقاەۆتىڭ قۇتتىقتاۋ حاتىندا جازۋشىنىڭ «قان مەن تەر», «سوڭعى پارىز» روماندارى قازاق كٶركەم سٶزٸنٸڭ التىن قازىناسىنا ەنٸپ, ەلەم ەدەبيەتٸندە ٶزٸندٸك ورنى بار رۋحاني قۇندىلىققا اينالعانى جايىندا ايتىلادى. جازۋشىنىڭ جالپىادامزاتتىق مەسەلەلەردٸ ارقاۋ ەتكەن شىعارمالارى ارقىلى حالقىمىزدى بٷكٸل دٷنيەجٷزٸ تانىعانىنا دا توقتالعان.
سالتاناتتى كەشتە ەبدٸجەمٸل نۇرپەيٸسوۆكە قر مەدەنيەت جەنە سپورت مينيسترٸ اقتوتى رايىمقۇلوۆا, الماتى قالاسىنىڭ ەكٸمٸ باقىتجان ساعىنتاەۆ, قىزىلوردا وبلىسىنىڭ ەكٸمٸ قۋانىشبەك ىسقاقوۆ, سونداي-اق بەلگٸلٸ جازۋشىلار مەن جۋرناليستەر جىلى لەبٸز بٸلدٸردٸ.
سونىمەن قاتار, قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين مەن قر پارلامەنتٸ سەناتىنىڭ تٶراعاسى داريعا نازارباەۆا قۇتتىقتاۋ حات جولدادى.
شىعارماشىلىق كەش كونتسەرتتٸك باعدارلاماعا ۇلاستى.
