Almatyda Abaidyń músini ashyldy. Aqynnyń 175 jyldyq mereitoiyna orailastyrylǵan saltanatty rásimge Almaty ákimi Baqytjan Saǵyntaev qatysty, dep habarlaidy "Ult aqparat".
Músin Jetisý aýdany ákimdiginiń ǵimaraty janyndaǵy «Gúlder» saiabaǵyna qoiyldy.
«Abaidyń mereitoilyq jyly – mádeniet pen ádebiet qairatkerleriniń, sóz janry sheberleriniń, jalpy shyǵarmashylyqpen ainalysatyndar úshin aitýly mereke. Uly aqynnyń, filosof pen oishyldyń bai murasy, onyń adamgershilik ósietteri qazaq halqynyń igiligine ainaldy», - dedi Almaty ákimi Baqytjan Saǵyntaev.
Músinniń avtory – Qazaqstannyń eńbek sińirgen qairatkeri, músinshi Tileýberdi Binashev. Saltanatty rásimge tanymal jazýshylar, aqyndar, abaitanýshylar qatysty.
