Ulttyq kitaphanyń «Qazaqstan kitaptary» oqý zalynda Abaidyń 175 jyldyǵyna arnalǵan Abai ádebi ortalyǵy ashyldy, dep habarlaidy "Ult aqparat".
Sharaǵa aqynnyń urpaqtary, belgili jazýshylar, qoǵam qairatkerleri, ǵalymdar, Almaty qalasy ákimdiginiń ókilderi, oqytýshylyr men JOO stýdentteri qatysty.
Abai ádebi ortalyǵynyń maqsaty – qazaq ádebietiniń negizin qalaýshy, klassigi Abaidyń rýhani murasyn keńinen nasihattaý.
Ádebi ortalyq kitaphana qorynan Abai shyǵarmalarynan jáne ol týraly materialdardan ashyq qoljetimdi kórme usynady. Onda aqyn ómiri men shyǵarmashylyǵyna arnalǵan materialdar, aqyn shyǵarmalary men álem halyqtarynyń túrli tilderindegi aýdarmalary, belgili abaitanýshylardyń, filologtar men jazýshylardyń eńbekteri, elektrondyq jáne mýzykalyq basylymdar, Abaidyń tolyq shyǵarmalary qoiylǵan.
«Abaidyń ádebi ortalyǵyn qurý zańdy jáne filosofiiasyn jappai zertteý salasyndaǵy shyǵarmashylyq jobalar men kóptegen is-sharalardy uiymdastyrýǵa úlken múmkindikter ashady. Sondai-aq, ortalyq áigili jazýshylarmen jáne aqyndarmen kezdesý, taqyryptyq baiqaýlar men ekskýrsiialar, beineleý óneri kórmelerin, Abai shyǵarmalaryn bilýge arnalǵan joǵary deńgeili oqýlardy uiymdastyrýǵa jaǵdai jasaidy», - deidi Ulttyq kitpahana direktory Baqytjamal Ospanova.
Shara barysynda uly aqynnyń óleńderi oqylyp, ánderi oryndaldy. Abai men Muhtar Áýezovtiń týystary estelik aitty.
Sondai-aq, jinalǵandarǵa teatrlandyrylǵan qoiylym men kitap kórmesi usynyldy.
