Foto: Oqý-aǵartý ministrligi
Memleket basshysynyń tapsyrmasymen «ABAI ULTTYQ MEKTEBI» alǵashqy ulttyq mekteptiń qurylysy bastaldy, dep habarlaidy Ult.kz.
Bul joba Qazaqstannyń talantty balalary úshin biregei bilim berý ortasyn qurýǵa baǵyttalǵan. Almaty qalasyna jumys sapary barysynda oqý-aǵartý ministri Ǵani Beisembaev mektep qurylysymen tanysty.
Mektep 900 oqýshy ornyna arnalǵan jáne munda balalarǵa arnalǵan internat, oqytýshylar úii, kitaphana, sport kesheni qarastyrylǵan. Ol biylǵy jyly ashylady dep josparlanyp otyr.
Foto: Oqý-aǵartý ministrligi
Jańa bilim berý uiymynyń kontseptsiiasy Abai filosofiiasyna, onyń ishinde «bes asyl is» ideiasyna negizdelgen.
«ABAI ULTTYQ MEKTEBI»-niń qurylýy – otandyq bilim berýdi damytýdaǵy eń mańyzdy strategiialyq qadamdardyń biri, ol óziniń shyqqan tegin jaqsy biletin, birneshe tildi meńgergen jáne jahandyq syn-qaterlerge tótep bere alatyn ziialylardyń jańa býynyn tárbieleýge baǵyttalady», - dep atap ótti ministr.
Jobany júzege asyrýdaǵy mańyzdy qadam - «ABAY-Programme» birtutas bilim berý baǵdarlamasynyń ázirlenýi. Ol kóptildi, ziialy jáne ulttyq sipattaǵy tulǵany qalyptastyrýǵa negizdelgen.
Mektep sondai-aq elimizdiń jetekshi pedagogikalyq joǵary oqý orny – Abai atyndaǵy qazaq ulttyq pedagogikalyq ýniversitetimen seriktestik ornatady. Yntymaqtastyq aiasynda «Abai zerthanasy» qurylyp, ol gýmanitarlyq bilim salasyndaǵy ádistemelik jáne ǵylymi zertteýler ortalyǵyna ainalady.
