Almatyda 9 jastaǵy mektep oqýshysy joǵalyp ketti, - dep habarlaidy "Ult aqparat" Polisia.kz portalyna silteme jasap.
Politsiia málimetinshe, Aisha Timýr búgin tańǵy saǵat 07:40-ta Seifýllin dańǵyly boiyndaǵy úiden Almatynyń Túrksib aýdanynda ornalasqan mektepke ketken. Sodan beri izdestirilip jatyr.
Qaladaǵy barlyq politsiia jasaqtary baǵdarlanǵan. Izdeýge Ulttyq ulan sarbazdary, eriktiler jáne oqiǵaǵa bei-jai qaramaityn adamdar jumyldyrylǵan.
Aita keteiik, qyz aryqtaý kelgen, shashy - qara tústi. Ústinde qyzǵylt kúrteshe, mektep iýbkasy, qara etik jáne kók qalpaq bolǵan. Sondai-aq, arqasynda qyzyl sómkesi bar.
Almaty qalasynyń politsiiasy qyzdyń júrgen jeri, qaida ekendigi jaily nemese oǵan qatysty basqa da málimeti bar jannyń barlyǵyn myna nómirler boiynsha habarlaýǵa shaqyrady: 298-54-02; 8-702-730-07-08 nemese “102”.
