«Birgemiz» qorynan 8 myńnan astam almatylyqqa 50 myń teńge kóleminde birrettik tólem beriledi, dep habarlaidy "Ult aqparat".
Olardyń qataryna az qamtylǵan otbasylar, atap aitqanda ataýly áleýmettik kómek alýshylar, I toptaǵy múgedekter, II toptaǵy múgedek zeinetkerler (jasyna bailanysty zeinetkerler), múgedek balaǵa kútim jasaityn adamdar, eń tómengi nemese odan tómen zeinetaqy alatyn zeinetkerler, Ekinshi dúniejúzilik soǵysynyń qatysýshylary men múgedekteri jáne olarǵa teńestirilgender, tyl eńbekkerleri jáne tul jetimder kirdi.
«Almatyda atalǵan kómekti alýshylardyń basym bóligin I toptaǵy múgedekter, II toptaǵy múgedek zeinetkerler (jasy boiynsha zeinetkerler), dálirek aitqanda 5209 adam, sondai-aq eń tómengi nemese odan tómen zeinetaqy alatyn zeinetkerler, shamamen 1 myń adamdy qurady.Tólemder ekinshi deńgeidegi bankter arqyly jeke tulǵanyń kartochkalyq nemese shotyna nemese «Qazposhta» AQ arqyly qolma-qol aqshasyz aýdarý jolymen júzege asyrylady. Aita ketý kerek, materialdyq kómekti aýdarý kezinde komissiia alynbaidy, eger nesiesi bolǵan jaǵdaida, qarajat qaryz esebine ustalmaidy», – dedi «Nur Otan» partiiasy Almaty qalalyq filialynyń baspasóz qyzmeti.
