Foto: elements.envato.com
Ishki ister organdary Almatydaǵy elitalyq mektepte 7 jasar balany zorlaý faktisi boiynsha tergeý amaldaryna kiristi. Balanyń anasy túsirgen aryzdyń negizinde qylmystyq is qozǵaldy, dep habarlaidy Sputnik Qazaqstan.
Mektep oqýshysynyń anasy áleýmettik jelide video jariialap, oqiǵanyń mán-jaiyn aityp berdi. Onyń sózine qaraǵanda, birinshi synypqa barǵan uly úige jyrtyq shalbarmen kelgen. Anasy ony tigýge alǵanda shalbardyń artqy jaǵy, iaǵni týra toq ishek tusy jyrtylǵanyn baiqaǵan. Odan ári ish kiimin teksergen, onysy teris kiilgen. Shalbar men ish kiimnen aq daqtyń izderin kórgen. Ári qarai balanyń toq ishegi men jambasynda jaranyń izi baryn baiqaǵan.
Dárigerler bul fizikalyq zorlyqtyń kesirinen bolǵan jara ekenin anyqtaǵan.
"Men birden politsiiany shaqyryp, aryz túsirdim. Sodan beri biz sot-meditsinalyq saraptamadan da óttik. Kiimdi de saraptamaǵa berdik. Balam túnde durys uiyqtamai júr, qarańǵydan qatty qorqatyn boldy. Qazir bir psihologpen jumys istep jatyrmyz", - deidi tórt balanyń anasy.
7 jasar bala Almatydaǵy halyqaralyq mektepke barǵan. Biraq 13 qyrkúiekten beri sabaqqa qatyspai júr.
Qazirgi kezde Bostandyq aýdandyq politsiia qyzmetkerleri Qylmystyq kodekstiń 121-baby 3-bóligi (Seksýaldyq sipattaǵy zorlyq-zombylyq áreketteri) boiynsha tergeý sharalaryn bastady. Sot-meditsinalyq saraptama taǵaiyndaldy.
"Sonymen qatar istiń obektivti mán-jailaryn anyqtaýǵa baǵyttalǵan tiisti tergeý sharalary kesheni júrgizilip jatyp. Tergeý barysy Almaty politsiia departamenti basshylyǵynyń baqylaýynda", - deidi politsiia.
Aita keteri, osy qylmys úshin 121-baptyń 3-bóligi boiynsha on eki jyldan on bes jylǵa deiingi merzimge bas bostandyǵynan aiyrý jazasy qarastyrylǵan.
