Foto: ashyq derekkóz
Almaty qalasynda asa iri kólemdegi salyq alaiaqtyǵy isi boiynsha sot úkimi jariialandy, dep habarlaidy Ult.kz.
Tergeý barysynda bir top adamnyń jalǵan shot-faktýralardy jazyp berý arqyly memleketke 686 million teńge kóleminde shyǵyn keltirgeni anyqtaldy. Olar taýarlar men qyzmetterdi is júzinde jetkizbei, qujat júzinde rásimdeý shemasyn uiymdastyrǵan.
Salyqtyq baqylaýdy ainalyp ótý úshin jalǵan biriktirýler jasalǵan, keiin qujattary rásimdelgen seriktestikter formaldy túrde taratylǵan. Qala prokýratýrasynyń narazylyǵy nátijesinde zańsyz biriktirý toqtatyldy.
Sot alty adamdy QR Qylmystyq kodeksiniń 216-baby (jalǵan shot-faktýralar jazý) jáne 262-baby (uiymdasqan qylmystyq topty qurý jáne basqarý) boiynsha kináli dep tanyp, olarǵa 6 jyldan 8 jylǵa deiingi bas bostandyǵynan aiyrý jazasyn kesti.
