Almatyda iis tiip ýlanǵan 6 adam aýrýhanaǵa tústi, dep habarlaidy "Ult aqparat".
Qalalyq TJD basshysynyń orynbasary Arman Baigelovtyń aitýynsha, qalany gazdandyrý baǵdarlamasy aiasynda kómirmen jylityn úilerdiń sany 2,2 ese azaiǵan. Iaǵni, 2018-2019 jylytý maýsymynda - 16 626 úi, 2019-2020 jylytý maýsymynda barlyǵy 7264 úi peshpen jylytylady.
Kógildir otyn tutynýshylarynyń sany kóbeiýine bailanysty tabiǵi gazdan ýlaný derekteri de kóbeie bastaǵan. Biyldyń ózinde 36 adam ýlanǵan. Byltyr 44 adamǵa meditsinalyq kómek kórsetilgen bolatyn.
Qaiǵyly oqiǵalar kóbinese gaz quralynyń germetikalyq qorǵanysy buzylǵannan gazdyń aýaǵa taraýynan bolǵan.
«9 qarashada Naýryzbai aýdanynyń Qaraǵaily eldi mekeninde gaz qazandyǵynyń aqaýynan 4 adam gazdan ýlanǵan. Bul úide gaz qubyrynda tartylys júiesi jumys istemegen. Olar toksikologiia bólimshesine jetkizildi. Onyń ishinde 1 bala bar. Meditsinalyq kómek kórsetilgen soń barlyǵy úiine qaitaryldy. Kóbinese úi ieleri ózderi úidiń jertólesinde kómirmen janatyn peshin gaz peshine aýystyryp alady. Bulai isteýge bolmaidy», - dedi Arman Baigelov.
11 qarashada Túrksib aýdanynda Shuǵyl meditsinalyq kómek kórsetý aýrýhanasynyń toksikologiia bólimshesine 2 adam gazdan ýlanyp tústi. Olardyń úiindegi peshte de tartylys bolmaǵan.
