Foto: Kazinform
Almatyda Respýblika kúnin merekeleý aiasynda Abai alańynda drondar shoýy ótti, dep habarlaidy Kazinform HAA.
Respýblika kúnine arnalǵan merekelik is-shara qala turǵyndary men qonaqtary úshin tańǵajaiyp kórinis usyndy. Shoý shamamen 20 minýtqa sozyldy, ony 15 myńǵa jýyq almatylyq tamashalady.
Aspanǵa bir mezette 500-den astam dron ushyp, ulttyq mádeniet elementteri men el tarihyndaǵy mańyzdy sátterdi beineleitin erekshe baǵdarlamany usyndy. Atap aitqanda, Qazaqstannyń geografiialyq kartasynan bastap, Memlekettik tý, kiiz úi, Altyn adam, alma, qyzǵaldaq jáne ózge de beineler kórsetildi.
