Almatyda 5 myńnan astam stýdentke jataqhanadan oryn jetispeidi. Ǵylym jáne joǵary bilim ministri Saiasat Nurbek bul másele jyl sońyna deiin sheshiledi dep málimdedi, dep habarlaidy ult.kz.
"Astana" arnasynyń habarlaýynsha, Ministr kelesi oqý jylynan bastap stýdentterdi jataqhana oryndarymen qamtamasyz etý protsesi tolyq tsifrlandyrylyp, ótinish berý men oryn bólý elektrondy formatqa kóshiriletinin aitqan.
«Byltyr elimizde 10 myńǵa jýyq tósek-oryn berildi. Biyl 18 jataqhanany iske qosý josparlanyp otyr. Olarda jalpy 6 857 tósek-oryn bolady», – dedi Saiasat Nurbek.
Ministr jańa jataqhanalardyń stýdentterdiń qazirgi suranysyna sai salynyp jatqanyn atap ótti. Sonymen qatar jataqhana qurylysyna qoiylatyn talaptar da kúsheitilgen.
Máselen, Astanada Qazaq ulttyq sport ýniversitetiniń janynan eki jańa jataqhana salynýda. Olar 1,5 myńnan astam stýdentti ornalastyrýǵa múmkindik beredi.
Jalpy, ministrlik stýdentterdi jataqhanamen qamtý máselesin kezeń-kezeńimen sheshýdi kózdep otyr.
