الماتىدا 5 مىڭنان استام ستۋدەنتكە جاتاقحانادان ورىن جەتٸسپەيدٸ. عىلىم جەنە جوعارى بٸلٸم مينيسترٸ ساياسات نۇربەك بۇل مەسەلە جىل سوڭىنا دەيٸن شەشٸلەدٸ دەپ مەلٸمدەدٸ, دەپ حابارلايدى ult.kz.
"استانا" ارناسىنىڭ حابارلاۋىنشا, مينيستر كەلەسٸ وقۋ جىلىنان باستاپ ستۋدەنتتەردٸ جاتاقحانا ورىندارىمەن قامتاماسىز ەتۋ پروتسەسٸ تولىق تسيفرلاندىرىلىپ, ٶتٸنٸش بەرۋ مەن ورىن بٶلۋ ەلەكتروندى فورماتقا كٶشٸرٸلەتٸنٸن ايتقان.
«بىلتىر ەلٸمٸزدە 10 مىڭعا جۋىق تٶسەك-ورىن بەرٸلدٸ. بيىل 18 جاتاقحانانى ٸسكە قوسۋ جوسپارلانىپ وتىر. ولاردا جالپى 6 857 تٶسەك-ورىن بولادى», – دەدٸ ساياسات نۇربەك.
مينيستر جاڭا جاتاقحانالاردىڭ ستۋدەنتتەردٸڭ قازٸرگٸ سۇرانىسىنا ساي سالىنىپ جاتقانىن اتاپ ٶتتٸ. سونىمەن قاتار جاتاقحانا قۇرىلىسىنا قويىلاتىن تالاپتار دا كٷشەيتٸلگەن.
مەسەلەن, استانادا قازاق ۇلتتىق سپورت ۋنيۆەرسيتەتٸنٸڭ جانىنان ەكٸ جاڭا جاتاقحانا سالىنۋدا. ولار 1,5 مىڭنان استام ستۋدەنتتٸ ورنالاستىرۋعا مٷمكٸندٸك بەرەدٸ.
جالپى, مينيسترلٸك ستۋدەنتتەردٸ جاتاقحانامەن قامتۋ مەسەلەسٸن كەزەڭ-كەزەڭٸمەن شەشۋدٸ كٶزدەپ وتىر.
