Almatyda birneshe adamǵa oq atqan Igor Dýjnovtyń isi sotqa joldandy, habarlaidy QazAqparat tilshisi.
«Igor Dýjnovqa qatysty qylmystyq is qylmystyq ister jónindegi mamandandyrylǵan aýdanaralyq sotyna jiberildi», - dedi Almaty qalalyq sotynyń resmi ókili Abai Jarylqasyn.
Eske salaiyq, byltyr 20 qyrkúiek kúni Almatyda jeke úilerdiń birine kelgen sot oryndaýshyǵa, ýchaskelik politsiia inspektorlaryna úi iesi — 1967 jyly týǵan azamat oq atty. Qyzmet barysynda bes adam, onyń ishinde eki politsiia qyzmetkeri oqtan jaraqat alyp, kóz jumdy.
Kináli adam 20 jylǵa deiin nemese ómir boiyna bas bostandyǵynan aiyrylýy múmkin.
Qaza tapqan politseilerdiń biriniń artynda – 5, ekinshisinde 2 bala qaldy.
