Almaty qalasy ákiminiń orynbasary, koronavirýstyń aldyn alý boiynsha qurylǵan arnaiy shtab basshysy Erjan Babaqumarov Almatyda zerthanalyq jolmen eshbir patsientten koronavirýs juqpasy rastalmaǵanyn aitty, dep habarlaidy QazAqparat.
Onyń aitýynsha, qalada meditsinalyq baqylaý júiesi úsh baǵytta uiymdastyrylǵan.
Birinshisi juqpaly aýrý bola qalǵan jaǵdaida iske qosylady. Ekinshisi - provizorlyq baǵyt.
«Provizorlyq ortalyq - juqtyrý qaýpi joǵary adamdar. Úshinshi baǵyt – infektsiia shyqqan elderden kelgen adamdardy karantinge jatqyzý. Osy úsh sanat qazir tekserýden ótip jatyr», - dedi E.Babaqumarov.
Onyń aitýynsha, qalada koronavirýs juqpasy eshqandai adamnan zerthanalyq deńgeide rastalǵan joq.
«12,5 myń (adam – red.) baǵyttaldy. Almaty bul turǵydan eń daiyndyǵy joǵary qala. Bizde 1 ortalyqtandyrylǵan, 2 ulttyq zerthana jumys isteidi», - dedi qala ákiminiń orynbasary Erjan Babaqumarov Qoǵamdyq keńes otyrysynda.
Búginde Almatyda 497 adam karantinde jatyr. Olardyń jaǵdaiy birqalypty. Provizorlyq ortalyqtarda 10 patsient jatyr. Olardyń densaýlyǵyna testilegende zerthana synamasy JRVI men tumaýdy kórsetti.
