الماتى قالاسى ەكٸمٸنٸڭ ورىنباسارى, كوروناۆيرۋستىڭ الدىن الۋ بويىنشا قۇرىلعان ارنايى شتاب باسشىسى ەرجان باباقۇماروۆ الماتىدا زەرتحانالىق جولمەن ەشبٸر پاتسيەنتتەن كوروناۆيرۋس جۇقپاسى راستالماعانىن ايتتى, دەپ حابارلايدى قازاقپارات.
ونىڭ ايتۋىنشا, قالادا مەديتسينالىق باقىلاۋ جٷيەسٸ ٷش باعىتتا ۇيىمداستىرىلعان.
بٸرٸنشٸسٸ جۇقپالى اۋرۋ بولا قالعان جاعدايدا ٸسكە قوسىلادى. ەكٸنشٸسٸ - پروۆيزورلىق باعىت.
«پروۆيزورلىق ورتالىق - جۇقتىرۋ قاۋپٸ جوعارى ادامدار. ٷشٸنشٸ باعىت – ينفەكتسييا شىققان ەلدەردەن كەلگەن ادامداردى كارانتينگە جاتقىزۋ. وسى ٷش سانات قازٸر تەكسەرۋدەن ٶتٸپ جاتىر», - دەدٸ ە.باباقۇماروۆ.
ونىڭ ايتۋىنشا, قالادا كوروناۆيرۋس جۇقپاسى ەشقانداي ادامنان زەرتحانالىق دەڭگەيدە راستالعان جوق.
«12,5 مىڭ (ادام – رەد.) باعىتتالدى. الماتى بۇل تۇرعىدان ەڭ دايىندىعى جوعارى قالا. بٸزدە 1 ورتالىقتاندىرىلعان, 2 ۇلتتىق زەرتحانا جۇمىس ٸستەيدٸ», - دەدٸ قالا ەكٸمٸنٸڭ ورىنباسارى ەرجان باباقۇماروۆ قوعامدىق كەڭەس وتىرىسىندا.
بٷگٸندە الماتىدا 497 ادام كارانتيندە جاتىر. ولاردىڭ جاعدايى بٸرقالىپتى. پروۆيزورلىق ورتالىقتاردا 10 پاتسيەنت جاتىر. ولاردىڭ دەنساۋلىعىنا تەستٸلەگەندە زەرتحانا سىناماسى جرۆي مەن تۇماۋدى كٶرسەتتٸ.
