Almatyda sáýirde koronvirýspen kúresip jatqan meditsinalyq qyzmetkerlerge 1 mlrd 500 mln teńgeden astam ústemeaqy tólenedi. Bul týraly onlain brifing barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
«Qazir Almaty ákimdigi janynda koronavirýspen kúresip jatqan meditsinalyq qyzmetkerlerge ústemeaqy taǵaiyndaý boiynsha arnaiy komissiia jumys istep jatyr. Osy komissiianyń sheshimimen naýryzda 3700 meditsinalyq qyzmetkerge 1 mlrd 134 mln teńge tólengen bolatyn. Al sáýirde bul komissiia 4400 astam meditsinalyq qyzmetkerge 1 mlrd 500 mln teńgeden astam ústemeaqy tóleý týraly sheshim shyǵardy», - dedi Tileýhan Ábildaev.
Basqarma basshysynyń aitýynsha, qazir koronavirýs juqtyrǵan meditsinalyq qyzmetkerlerge ústemeaqy tóleý boiynsha basqa komissiia qurylǵan.
