الماتىدا سەۋٸردە كورونۆيرۋسپەن كٷرەسٸپ جاتقان مەديتسينالىق قىزمەتكەرلەرگە 1 ملرد 500 ملن تەڭگەدەن استام ٷستەمەاقى تٶلەنەدٸ. بۇل تۋرالى ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ ايتتى, دەپ حابارلايدى "ۇلت اقپارات".
«قازٸر الماتى ەكٸمدٸگٸ جانىندا كوروناۆيرۋسپەن كٷرەسٸپ جاتقان مەديتسينالىق قىزمەتكەرلەرگە ٷستەمەاقى تاعايىنداۋ بويىنشا ارنايى كوميسسييا جۇمىس ٸستەپ جاتىر. وسى كوميسسييانىڭ شەشٸمٸمەن ناۋرىزدا 3700 مەديتسينالىق قىزمەتكەرگە 1 ملرد 134 ملن تەڭگە تٶلەنگەن بولاتىن. ال سەۋٸردە بۇل كوميسسييا 4400 استام مەديتسينالىق قىزمەتكەرگە 1 ملرد 500 ملن تەڭگەدەن استام ٷستەمەاقى تٶلەۋ تۋرالى شەشٸم شىعاردى», - دەدٸ تٸلەۋحان ەبٸلداەۆ.
باسقارما باسشىسىنىڭ ايتۋىنشا, قازٸر كوروناۆيرۋس جۇقتىرعان مەديتسينالىق قىزمەتكەرلەرگە ٷستەمەاقى تٶلەۋ بويىنشا باسقا كوميسسييا قۇرىلعان.
