Almatynyń Almaly aýdanynda 40 jastaǵy áiel toǵyzynshy qabattyń terezesinen qulap, kóz jumdy. Qaiǵyly oqiǵa Anosov pen Shákárim kósheleriniń qiylysyndaǵy turǵyn úide bolǵan, dep habarlaidy ult.kz HALYQSTAN Telegram arnasyna silteme jasap.
Politsiianyń málimetinshe, oqiǵa ornyna barǵan jedel-tergeý toby marqumnyń páterin tekserý barysynda tergeý úshin mańyzdy materialdardy, onyń ishinde hatty tapqan. Onyń mazmuny tergeý aiasynda zerttelip jatyr.
«Páterdi qaraý kezinde tergeý úshin mańyzy bar materialdar men mán-jailar anyqtaldy. Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan keshendi tergeý áreketteri júrgizilýde», – dep habarlady politsiia.
Kýágerlerdiń aitýynsha, páterdi ashý kezinde jýynatyn bólmeden qan izderi men ótkir zattar tabylǵan.
Qazirgi ýaqytta politseiler oqiǵanyń tolyq mán-jaiyn, áieldiń ómir saltyn, aralasqan ortasyn jáne qaiǵyly jaǵdaiǵa ne sebep bolǵanyn anyqtap jatyr.
