Memleket basshysy Qasym-Jomart Toqaevtyń koronavirýspen kúresip jatqan meditsina qyzmetkerlerine qarjylai qoldaý kórsetý týraly tapsyrmasyna sáikes, Almatyda 3758 mamanǵa ústemeaqy tólendi. Bul týraly qalalyq Qoǵamdyq densaýlyq saqtaý basqarmasy basshysynyń orynbasary Ásel Bisenbaeva aitty, dep habarlaidy "Ult aqparat".
«COVID-19 infektsiiasymen kúreste aianbai eńbek etip júrgen mamandar jumys qaýiptiligine qarai 3 topqa bólingen. Táýekeldiń birinshi tobyna óte qaýipti jaǵdaida jumys isteitin 560 qyzmetker endi. Olarǵa 375 mln teńge tólendi. Ekinshi sanat qaýiptiligindegi dárigerler men feldsherlerge, iaǵni 2282 meditsina mamanyna tólengen soma 722 mln teńgeni qurady.Úshinshi topqa 916 qyzmetker enip otyr. Olarǵa 167 mln teńge bólindi»,–deidi Ásel Bisenbaeva.
Onyń aitýynsha, meditsina mamandaryna tólenetin ústemeaqy, arnaiy qurylǵan komissiianyń sheshimine sáikes júrgiziledi. Naýryz aiynda 1,2 milliard teńge tólendi.
