Almatyda 36 jastaǵy er adam eki aidan beri tabylmai jatyr. Eriktilerdiń málimetinshe, ol otbasylyq janjaldan keiin úiinen shyǵyp ketip, sol kúii oralmaǵan, dep habarlaidy ult.kz.
Joǵalǵan azamat — Baýyrjan Oljas. Ol 19 naýryz kúni Áýezov aýdanyndaǵy Taýgúl-3 shaǵyn aýdanynda ornalasqan úiinen ketken. Sodan beri onyń qaida júrgeni belgisiz.
Belgileri: boiy shamamen 190 santimetr, dene bitimi ortasha, shashy qara sur, kózi qońyr. Joǵalǵan kúni qandai kiimde bolǵany anyqtalmaǵan.
Izdeý jumystaryna qatysqan eriktiler onyń bolýy múmkin degen birneshe oryn tekserilgenin aitty. Alaida ázirge nátije joq.
Baýyrjan Oljastyń júrgen jeri týraly qandai da bir aqparat biletinderden +7 705 105 31 31 nemese +7 701 375 92 91 nómirlerine habarlasý suralady.
Eriktiler joǵalǵan azamatqa da úndeý jasady.
«Jaqyndaryńyz sizdi izdep júr. Keide bir ǵana qońyraý týǵandardyń úmitin qaita tiriltýi múmkin. Qai jerde bolsańyz da, tiri ekenińizdi bildirińiz», – dedi olar.
