Foto: Almaty ákimdigi
Jyldyń sońǵy keshinde Almaty jarqyn merekelik atmosferaǵa bólenedi, dep habarlaidy Ult.kz.
31 jeltoqsan kúni saǵat 18:00-den 00:30-ǵa deiin Astana alańynda qaladaǵy basty jańa jyldyq kontsert ótedi. Merekelik shara megapolis turǵyndary men qonaqtaryn bir shańyraq astyna jinamaq.
Sahnada otandyq estradanyń juldyzdary, kópshilikke súiikti oryndaýshylar men tanymal toptar óner kórsetedi. Olardyń qatarynda Makpal Isabekova, Alisher Karimov, Aqylbek Jemenei, Beibit Qorǵan, Ringo, Ninety One, Ayree, Astra, Dakelot, Daýlet Janbolat, Jubanysh Jensenuly, Diana Ismail, Baqyt Shadaeva, Abai Begei, Tahmina Áshimbekova, Muzart Life, Injý Ánýarbek, Ábik Jeksen, Ashat Tarǵyn, Dálel Ýashev, Maqsat Bazarbaev, Dáýren Baibóri jáne ózge de ónerpazdar bar.
Merekeniń sharyqtaý shegi retinde dástúrli jańa jyldyq otshashý uiymdastyrylady. Aita keteiik, feierverk demeýshilik qarajat esebinen ótkiziledi jáne barlyq qaýipsizdik talaptary qatań saqtalady.
Almatylyqtar men qala qonaqtary Jańa jyldy áýenge, jarqyraǵan shamdarǵa jáne umytylmas áserlerge toly keshte qarsy almaq.
