Almaty qalasynda bir táýlikte 1148 adam koronavirýsqa qarsy vaktsina saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy QazAqparat.
«19 jeltoqsan kúni 1148 almatylyq vaktsina saldyrdy. Koronavirýsqa qarsy ekpeniń I komponentin – 429, II komponentin – 719 adam aldy. Vaktsina saldyrǵandar sany boiynsha Almaty qalasy aldyńǵy orynda. Biylǵy jyldyń 1 aqpany men 19 jeltoqsan aralyǵynda qalada 1 038 826 turǵyn vaktsinanyń birinshi komponentin, 998 605 adam ekinshi komponentin saldyrǵan. Onyń ishinde 122 986 adamnyń jasy 60-tan asqan», - dep habarlady basqarmadan.
Búgingi tańda Pfizer (Comirnaty) kompaniiasynyń ekpesin 24 175 adam saldyrdy. Onyń ishinde 1371 júkti áiel, 4805 bala emizetin ana jáne 17999 jasóspirim bar.
Qalada 132 pýnkt jumys istep tur. 756 adamnan turatyn 201 egý brigadasy bar.
«Qazir meditsina uiymdarynda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi», - dep naqtylady densaýlyq saqtaý basqarmasynyń baspasóz qyzmeti.
