Foto: polisia.kz
Almatyda politsiia 200-den astam turǵyndy aldap soqqan kúdiktini quryqtady, - dep habarlaidy Ult.kz Polisia.kz saityna silteme jasap.
Túrkistan oblysynyń 27 jastaǵy turǵyny Almatyda júrip 232 adamdy aldap ketken.
"Er adam beitanys adamdardyń atyna kólik nesiesin rásimdegen. Ai saiynǵy jarnany óz kúshimen tóleimin dep, kólikterdi ózine alyp alǵan. Ańǵal azamattardy onyń syiaqysy – 1 million teńge qyzyqtyrdy. Politsiia kúdiktini ustady", - delingen habarlamada.
Ol qamaýǵa alyndy. Kúdikti osyǵan uqsas qylmystar jasaǵanyn moiyndady. Qazirgi ýaqytta qylmystyq is materialdary sotqa jiberildi.
