Jumyssyz júrgen 22 jastaǵy almatylyq Toyota Land Cruiser Prado kóligin júrgizýshi kýáliginsiz júrgizip, jaýapkershilikten qashý maqsatynda politseilerge Sybailas jemqorlyqqa qarsy qyzmettegilerdiń biriniń jalǵan qyzmettik kýáligin kórsetken, - dep habarlaidy kaz.tengrinews.kz tilshisi.
Almatynyń Medeý aýdandyq № 2 sotynyń úkimine qaraǵanda, 22 jastaǵy jigit maýsym aiynyń ortasynda Almas esimdi adamnan 150 myń teńgege organ qyzmetkeriniń qyzmettik kýáligin satyp alǵan.
Sondai-aq, qujatty satqan adamnyń "osy qyzmettik kýáliktiń qajetti bazaǵa engiziletinin" ýáde bergeni aitylady.
Maýsym aiynyń sońynda Toyota Land Cruiser Prado kóligimen Dýlati kóshesine ótpen bolǵan 22 jastaǵy almatylyqty jol-politsei patrýli toqtatqan. Politsiiadaǵylar júrgizýshi kýáliginiń joq ekenin anyqtaǵan. Sot úkimindegi materialǵa qaraǵanda, 22 jastaǵy júrgizýshi ózin Sybailas jemqorlyqqa qarsy qyzmette jumys isteimin dep, jaýapkershilikten qutylyp ketpekshi bolǵan. Sodan politsiiadaǵylar oqiǵa ornyna Sybailas jemqorlyqqa qarsy biýronyń Almaty boiynsha departamentiniń qyzmetkerlerin shaqyrǵan. Olar qujattyń jalǵan ekenin anyqtaǵan. Osyǵan bailanysty júrgizýshi kýáliksiz kólik júrgizgeni úshin jaýapkershilikke tartylǵan.
Júrgizýshi qatysty QR Qylmystyq kodeksiniń birneshe baby boiynsha sotqa deiingi tergeý bastaldy.
Sotta 22 jastaǵy jigit kinásin tolyqtai moiyndap, istegen isine ókindi. Sot ony qylmystyq ereje buzýshylyqtardy jasady dep aiyptap, bir jylǵa bas bostandyǵynan aiyrý týraly sheshim shyǵardy.
Sondai-aq, sot sottalýshyǵa qatysty probatsiialyq baqylaý ornatyp, turǵylyqty mekenjaiyn ózgertýge, arnaiy organdarǵa eskertpei jumys ornyn aýystyrýǵa, oiyn-saýyq mekemelerine: meiramhana, kafe, barlarǵa barý, organdardyń ruqsatynsyz basqa eldi mekenderge ketýge tyiym saldy.
