جۇمىسسىز جٷرگەن 22 جاستاعى الماتىلىق Toyota Land Cruiser Prado كٶلٸگٸن جٷرگٸزۋشٸ كۋەلٸگٸنسٸز جٷرگٸزٸپ, جاۋاپكەرشٸلٸكتەن قاشۋ ماقساتىندا پوليتسەيلەرگە سىبايلاس جەمقورلىققا قارسى قىزمەتتەگٸلەردٸڭ بٸرٸنٸڭ جالعان قىزمەتتٸك كۋەلٸگٸن كٶرسەتكەن, - دەپ حابارلايدى kaz.tengrinews.kz تٸلشٸسٸ.
الماتىنىڭ مەدەۋ اۋداندىق № 2 سوتىنىڭ ٷكٸمٸنە قاراعاندا, 22 جاستاعى جٸگٸت ماۋسىم ايىنىڭ ورتاسىندا الماس ەسٸمدٸ ادامنان 150 مىڭ تەڭگەگە ورگان قىزمەتكەرٸنٸڭ قىزمەتتٸك كۋەلٸگٸن ساتىپ العان.
سونداي-اق, قۇجاتتى ساتقان ادامنىڭ "وسى قىزمەتتٸك كۋەلٸكتٸڭ قاجەتتٸ بازاعا ەنگٸزٸلەتٸنٸن" ۋەدە بەرگەنٸ ايتىلادى.
ماۋسىم ايىنىڭ سوڭىندا Toyota Land Cruiser Prado كٶلٸگٸمەن دۋلاتي كٶشەسٸنە ٶتپەن بولعان 22 جاستاعى الماتىلىقتى جول-پوليتسەي پاترۋلٸ توقتاتقان. پوليتسيياداعىلار جٷرگٸزۋشٸ كۋەلٸگٸنٸڭ جوق ەكەنٸن انىقتاعان. سوت ٷكٸمٸندەگٸ ماتەريالعا قاراعاندا, 22 جاستاعى جٷرگٸزۋشٸ ٶزٸن سىبايلاس جەمقورلىققا قارسى قىزمەتتە جۇمىس ٸستەيمٸن دەپ, جاۋاپكەرشٸلٸكتەن قۇتىلىپ كەتپەكشٸ بولعان. سودان پوليتسيياداعىلار وقيعا ورنىنا سىبايلاس جەمقورلىققا قارسى بيۋرونىڭ الماتى بويىنشا دەپارتامەنتٸنٸڭ قىزمەتكەرلەرٸن شاقىرعان. ولار قۇجاتتىڭ جالعان ەكەنٸن انىقتاعان. وسىعان بايلانىستى جٷرگٸزۋشٸ كۋەلٸكسٸز كٶلٸك جٷرگٸزگەنٸ ٷشٸن جاۋاپكەرشٸلٸككە تارتىلعان.
جٷرگٸزۋشٸ قاتىستى قر قىلمىستىق كودەكسٸنٸڭ بٸرنەشە بابى بويىنشا سوتقا دەيٸنگٸ تەرگەۋ باستالدى.
سوتتا 22 جاستاعى جٸگٸت كٸنەسٸن تولىقتاي مويىنداپ, ٸستەگەن ٸسٸنە ٶكٸندٸ. سوت ونى قىلمىستىق ەرەجە بۇزۋشىلىقتاردى جاسادى دەپ ايىپتاپ, بٸر جىلعا باس بوستاندىعىنان ايىرۋ تۋرالى شەشٸم شىعاردى.
سونداي-اق, سوت سوتتالۋشىعا قاتىستى پروباتسييالىق باقىلاۋ ورناتىپ, تۇرعىلىقتى مەكەنجايىن ٶزگەرتۋگە, ارنايى ورگاندارعا ەسكەرتپەي جۇمىس ورنىن اۋىستىرۋعا, ويىن-ساۋىق مەكەمەلەرٸنە: مەيرامحانا, كافە, بارلارعا بارۋ, ورگانداردىڭ رۇقساتىنسىز باسقا ەلدٸ مەكەندەرگە كەتۋگە تىيىم سالدى.
