Almaty qalasynyń Bostandyq aýdanynda 21 jastaǵy jigit kópqabatty turǵyn úidiń ortaq balkonynan qulap, oqiǵa ornynda kóz jumdy, dep habarlaidy ult.kz.
Politsiianyń málimetinshe, qaiǵyly oqiǵa ornyna jedel tergeý toby men shuǵyl qyzmet ókilderi dereý jetken. Marqumnyń jeke basy anyqtalǵan.
Aldyn ala málimet boiynsha, oqiǵa aldynda jas jigit kúnniń aptap ystyǵyna qaramastan syrt kiimmen júrgen. Bul derek pen basqa da mán-jailar tergeý barysynda jan-jaqty tekserilip jatyr.
Atalǵan fakti boiynsha Bostandyq aýdandyq politsiia basqarmasy qylmystyq is qozǵady. Qazirgi ýaqytta tergeýshiler oqiǵanyń naqty sebebin anyqtaý úshin marqumnyń ómir saltyn, aralasqan ortasyn jáne iske qatysty ózge de jaǵdailardy zerdelep jatyr.
Eske salaiyq, buǵan deiin Almatyda jigitimen janjaldasqan qyzdyń turǵyn úidiń 10-qabatynan qulap ketkeni týraly aqparat taraǵan bolatyn.
