Almatyda Ekinshi dúniejúzilik soǵys ardagerleri men múgedekterine 1 million teńgeden tólenedi. Bul týraly qalalyq áleýmettik ál-aýqat basqarmasynyń basshysy Rahat Shimasheva brifing barysynda aitty, dep habarlaidy "Ult aqparat".
«Qala ákiminiń qoldaýymen jáne Almaty qalasy máslihatynyń sheshimimen áleýmettik qoldaý kórsetý maqsatynda 202 UOS qatysýshylary men múgedekterine 1 million teńge tólendi. Budan bólek shamamen 4 myń adam - 100 myń teńge,14 myńnan astam adamǵa -50 myń teńgeden tólenedi», – deidi Rahat Shimasheva .
Jalpy birjolǵy tólemdi 1,3 mlrd teńgege 18 296 adam aldy:
Atap aitar bolsaq, Ekinshi dúniejúzilik soǵysynyń qatysýshylary men múgedekterine 1 mln teńge (202 adam); 100 myń teńgeden maidanǵa qatysýshylar men múgedekterine jeńildikter men kepildikterine teń adamdar (3 954 adam); maidanda qaitys bolǵan nemese habarsyz ketken áskeri qyzmetshilerdiń jesirlerine 100 myń teńgeden (4 adam); Aýǵanstandaǵy soǵys kezinde jaraqat alǵan, sonyń saldarynan aýyryp qaitys bolǵan nemese qaitys bolǵan áskeri qyzmetshilerdiń ata-analary men jubailaryna 100 myń teńgeden (32 adam); eńbek maidanynyń qatysýshylaryna (soǵys jyldarynda tylda jumys istegen), onyń ishinde KSRO medaldarymen jáne ordenderimen marapattalǵan, sonymen qatar marapattalmaǵan adamdarǵa 50 myń teńgeden (14 104 adam) tólendi.
