Almatyda 2 335 meditsina mamandary juqpaly aýrýlar aýrýhanasynda jumys isteýge ázir. Bul týraly Almaty qalasy Joǵary meditsinalyq kolledjiniń direktory Svetlana Sultanǵazieva onlain brifing barysynda aitty.
Qazirgi tańda koronavirýs juqtyrǵandardy emdeýge 27 meditsina uiymy tartylǵan. Jalpy, megopoliste 74 vedomstvolyq mekeme qyzmet isteidi, odan bólek 20 respýblikalyq jáne 93 jeke menshik meditsina uiymy bar. Olardyń barlyǵynda 38 myńdai meditsina kadry jumys istep jatyr.
«1 tamyzdaǵy jaǵdai boiynsha 6 myńnan astam tósek-oryn ashyldy. Onda 4035 qyzmetker jumys isteidi. Sonymen qatar, kadr resýrstaryn josparlaýmen jáne boljaýmen ainalysamyz. Engizilgen infektsiondy tósek sanyna bailanysty shtat kestesi júrgiziledi»,– dedi Svetlana Sultanǵazieva
Sonymen qatar ol tamyz aiynyń sońynda 300 tósekke arnalǵan modýldik statsionar ashý josparda ekenin aitty.
Biz kadrlardy izdeý boiynsha úzdiksiz jumys júrgizýdemiz, BAQ-ta, áleýmettik jelide aqparattandyrý men keńinen nasihattaýdy, ótinimderdi jinaýdy jalǵastyryp jatyrmyz. Birinshi kezekte jeke menshik meditsina uiymdarynan áriptesterdi tartýǵa tyrysamyz, odan keiin kolledjder men JOO túlekterin tartýdamyz. Almaty qalasynda 2 meditsinalyq ýniversitet jáne 10-nan astam kolledj bar. Sondai-aq, volonterlerdi de shaqyryp jatyrmyz. 2020 jyldyń 3 tamyzynda kadr rezervinde 2335 adam bar», -deidi ol.
