الماتىدا 2 335 مەديتسينا ماماندارى جۇقپالى اۋرۋلار اۋرۋحاناسىندا جۇمىس ٸستەۋگە ەزٸر. بۇل تۋرالى الماتى قالاسى جوعارى مەديتسينالىق كوللەدجٸنٸڭ ديرەكتورى سۆەتلانا سۇلتانعازيەۆا ونلاين بريفينگ بارىسىندا ايتتى.
قازٸرگٸ تاڭدا كوروناۆيرۋس جۇقتىرعانداردى ەمدەۋگە 27 مەديتسينا ۇيىمى تارتىلعان. جالپى, مەگوپوليستە 74 ۆەدومستۆولىق مەكەمە قىزمەت ٸستەيدٸ, ودان بٶلەك 20 رەسپۋبليكالىق جەنە 93 جەكە مەنشٸك مەديتسينا ۇيىمى بار. ولاردىڭ بارلىعىندا 38 مىڭداي مەديتسينا كادرى جۇمىس ٸستەپ جاتىر.
«1 تامىزداعى جاعداي بويىنشا 6 مىڭنان استام تٶسەك-ورىن اشىلدى. وندا 4035 قىزمەتكەر جۇمىس ٸستەيدٸ. سونىمەن قاتار, كادر رەسۋرستارىن جوسپارلاۋمەن جەنە بولجاۋمەن اينالىسامىز. ەنگٸزٸلگەن ينفەكتسيوندى تٶسەك سانىنا بايلانىستى شتات كەستەسٸ جٷرگٸزٸلەدٸ»,– دەدٸ سۆەتلانا سۇلتانعازيەۆا
سونىمەن قاتار ول تامىز ايىنىڭ سوڭىندا 300 تٶسەككە ارنالعان مودۋلدٸك ستاتسيونار اشۋ جوسپاردا ەكەنٸن ايتتى.
بٸز كادرلاردى ٸزدەۋ بويىنشا ٷزدٸكسٸز جۇمىس جٷرگٸزۋدەمٸز, باق-تا, ەلەۋمەتتٸك جەلٸدە اقپاراتتاندىرۋ مەن كەڭٸنەن ناسيحاتتاۋدى, ٶتٸنٸمدەردٸ جيناۋدى جالعاستىرىپ جاتىرمىز. بٸرٸنشٸ كەزەكتە جەكە مەنشٸك مەديتسينا ۇيىمدارىنان ەرٸپتەستەردٸ تارتۋعا تىرىسامىز, ودان كەيٸن كوللەدجدەر مەن جوو تٷلەكتەرٸن تارتۋدامىز. الماتى قالاسىندا 2 مەديتسينالىق ۋنيۆەرسيتەت جەنە 10-نان استام كوللەدج بار. سونداي-اق, ۆولونتەرلەردٸ دە شاقىرىپ جاتىرمىز. 2020 جىلدىڭ 3 تامىزىندا كادر رەزەرۆٸندە 2335 ادام بار», -دەيدٸ ول.
