Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Almatyda 2 metro stansasy iske qosylsa, jolaýshylar aǵyny kúnine 86 myń adamǵa jetedi

Ult portaly
Almatyda 2 metro stansasy iske qosylsa, jolaýshylar aǵyny kúnine 86 myń adamǵa jetedi


Almaty ákimi Baqytjan Saǵyntaev jumys sapary kezinde metropolitenniń ekinshi iske qosý kesheni nysandarynyń qurylys barysymen tanysty, dep habarlaidy "Ult aqparat".

Ekinshi iske qosý kesheni aralyq tonnelderden jáne qazirgi kezde árleý jumystary júrip jatqan «Saryarqa» jáne «B. Momyshuly» eki beketinen turady. Metropolitenniń birinshi jelisiniń ekinshi kezeginiń ekinshi iske qosý kesheni ýchaskesiniń trassasy Abai dańǵylynyń astynda, Altynsarin dańǵylynan Iassaýi kóshesine deiin batys baǵytta ornalasqan. Qurylys uzyndyǵy eki joldy baǵytta 3,08 km quraidy. 

Ekinshi iske qosý kesheniniń jalpy daiyndyǵy 91%-dy quraidy. Búginde temir-beton konstrýktsiialarynyń qurylysy, aralyq tonnelderdi qazý aiaqtaldy, sáýlet-árleý jumystary, joldyń joǵarǵy qurylysy aiaqtalyp qaldy. Qalǵan jumystarǵa injenerlik jelilerdi tóseý jáne jabdyqty iske qosý kiredi. 



Búginde ortasha táýliktik jolaýshylar aǵyny 30 myń adamdy quraidy. Mamandardyń esepteýi kórsetkendei, ekinshi iske qosý kesheni paidalanýǵa berilgen soń ortasha táýliktik jolaýshylar aǵyny shamamen 86 myń adamǵa jetetin bolady. Bul Abai dańǵylyndaǵy kólik qozǵalysyn edáýir jeńildetýge jáne myńdaǵan qala turǵyndary men qonaqtarynyń mobildiligin arttyrýǵa múmkindik beredi.

«Saryarqa» beketi – tereń tósemdi, pilon tipti. Vestibiýlden, eki kirý tobynan turady. 2 Lift, 8 eskalator ornatyldy. Ol «Femili» saiabaǵynyń janyna, №№3-8, 12 shaǵyn aýdandar bar, iaǵni qalanyń eń tyǵyz eldi mekenderiniń birinde ornalasqan.

«B. Momyshuly» beketi – usaq qalanǵan, kolonna tipti. Eki jerasty vestibiýlinen, alty kirý tobynan turady. 6 lift, 15 eskalator qarastyrylǵan. Abai dańǵylynyń júris bóliginiń astynda, Momyshuly kóshesiniń batysynda ornalasqan. Beket Jetisý, Jetisý-2, Jetisý-4, Mamyr, Mamyr-5, Mamyr-7 shaǵyn aýdandaryn qamtidy.

Qala ákimi B. Saǵyntaev jyl sońyna deiin stantsiialardyń tehnikalyq iske qosylýyn qamtamasyz etý úshin qurylys-árleý jumystaryn joǵary qarqynmen júrgizýdi tapsyrdy. Ol úshinshi iske qosý kesheni qurylysynyń barysyn baǵalady.

Metropolitenniń birinshi jelisiniń ekinshi kezeginiń úshinshi iske qosý kesheni ýchaskesiniń trassasy qurylysy júrip jatqan Abai dańǵylynyń astynda, Iassaýi kóshesinen Áshimov kóshesine deiin batys baǵytta ornalasqan. Uzyndyǵy 2,5 km qos joldy baǵyttaǵy aralyq tonnelderden jáne usaq tóselgen «Qalqaman» beketinen turady. Qurylysty kelesi jyldyń sońyna deiin aiaqtaý josparlanýda. Eseptik jolaýshylar aǵyny kúnine shamamen 93 myń adamdy quraityn bolady.


Oqi otyryńyz