الماتى ەكٸمٸ باقىتجان ساعىنتاەۆ جۇمىس ساپارى كەزٸندە مەتروپوليتەننٸڭ ەكٸنشٸ ٸسكە قوسۋ كەشەنٸ نىساندارىنىڭ قۇرىلىس بارىسىمەن تانىستى, دەپ حابارلايدى "ۇلت اقپارات".
«سارىارقا» بەكەتٸ – تەرەڭ تٶسەمدٸ, پيلون تيپتٸ. ۆەستيبيۋلدەن, ەكٸ كٸرۋ توبىنان تۇرادى. 2 ليفت, 8 ەسكالاتور ورناتىلدى. ول «فەميلي» ساياباعىنىڭ جانىنا, №№3-8, 12 شاعىن اۋداندار بار, ياعني قالانىڭ ەڭ تىعىز ەلدٸ مەكەندەرٸنٸڭ بٸرٸندە ورنالاسقان.
«ب. مومىشۇلى» بەكەتٸ – ۇساق قالانعان, كولوننا تيپتٸ. ەكٸ جەراستى ۆەستيبيۋلٸنەن, التى كٸرۋ توبىنان تۇرادى. 6 ليفت, 15 ەسكالاتور قاراستىرىلعان. اباي داڭعىلىنىڭ جٷرٸس بٶلٸگٸنٸڭ استىندا, مومىشۇلى كٶشەسٸنٸڭ باتىسىندا ورنالاسقان. بەكەت جەتٸسۋ, جەتٸسۋ-2, جەتٸسۋ-4, مامىر, مامىر-5, مامىر-7 شاعىن اۋداندارىن قامتيدى.
قالا ەكٸمٸ ب. ساعىنتاەۆ جىل سوڭىنا دەيٸن ستانتسييالاردىڭ تەحنيكالىق ٸسكە قوسىلۋىن قامتاماسىز ەتۋ ٷشٸن قۇرىلىس-ەرلەۋ جۇمىستارىن جوعارى قارقىنمەن جٷرگٸزۋدٸ تاپسىردى. ول ٷشٸنشٸ ٸسكە قوسۋ كەشەنٸ قۇرىلىسىنىڭ بارىسىن باعالادى.
مەتروپوليتەننٸڭ بٸرٸنشٸ جەلٸسٸنٸڭ ەكٸنشٸ كەزەگٸنٸڭ ٷشٸنشٸ ٸسكە قوسۋ كەشەنٸ ۋچاسكەسٸنٸڭ تراسساسى قۇرىلىسى جٷرٸپ جاتقان اباي داڭعىلىنىڭ استىندا, ياسساۋي كٶشەسٸنەن ەشٸموۆ كٶشەسٸنە دەيٸن باتىس باعىتتا ورنالاسقان. ۇزىندىعى 2,5 كم قوس جولدى باعىتتاعى ارالىق توننەلدەردەن جەنە ۇساق تٶسەلگەن «قالقامان» بەكەتٸنەن تۇرادى. قۇرىلىستى كەلەسٸ جىلدىڭ سوڭىنا دەيٸن اياقتاۋ جوسپارلانۋدا. ەسەپتٸك جولاۋشىلار اعىنى كٷنٸنە شامامەن 93 مىڭ ادامدى قۇرايتىن بولادى.
