Almatyda 18 jastaǵy mektep túlegi Nazerke Áripti óltirdi degen kúdikti ustaldy, - dep habarlaidy kaz.tengrinews.kz tilshisi.
"8 qazanda kúdikti ustaldy - Almaty oblysy, Talǵar aýdanynyń 1984 jylǵy turǵyny. Kriminaldyq politsiia Medeý aýdandyq IIB áriptesterimen birige otyryp, qylmyskerdi anyqtaýǵa baǵyttalǵan keshendi sharalardy júrgizdi. QR Qylmystyq-protsessýaldyq kodeksiniń 128-babyna sáikes kúdikti ýaqytsha ustaý izoliatoryna qamaldy. Er adam kinásin moiyndady", - dep habarlady Almaty qalalyq IID kriminaldyq politsiia basqarmasynyń basshysy Janbolat Ziadin.
"Ol jeke menshik júrgizýishi, sol kúni qyzdy alyp ketip, qorlap, qylǵyndyrǵan. Qylmysyn jasyrý maqsatynda qyzdyń denesin zirattyń mańyna qaldyryp ketken. Adam óltirý deregi boiynsha sotqa deiingi tergeý júrgizilip jatyr. Ol osy ýaqytqa deiin jasyrynyp júrdi, biraq onyń aty-jónin birden anyqtadyq", - dedi Ziadin.
Eske sala keteiik, qyz biyl meditsinalyq JOO-ǵa grantqa túsýdi josparlaǵan bolatyn. Talapker 10 shildede saǵat 18.00-den keiin bailanysqa shyqpaǵan. Nazerkeniń otbasy Almaty mańyndaǵy Talǵar aýdanynda ornalasqan Tuzdybastaý aýylynda turady.
Nazerke Árip - biyl mektep bitirip, UBT-dan 100 ball alǵan. Qyz Asfendiiarov atyndaǵy qazaq ulttyq meditsinalyq ýniversitetine túskisi kelgen. Qurbysy habarlandyrýda kórsetilgen merzimniń durys emes ekenin jáne onyń 10 shildede joǵalǵanyn aitty.
Munyń aldynda 18 jastaǵy túlek Nazerke Áriptiń anasy qyzdy ustap otyrýy múmkin degen adamdardan ony úiine jiberýin suraǵan edi.
Al 6 qyrkúiekte ushty-kúili joǵalǵan 18 jastaǵy qyz óli tabylǵan edi.
