الماتىدا 18 جاستاعى مەكتەپ تٷلەگٸ نازەركە ەرٸپتٸ ٶلتٸردٸ دەگەن كٷدٸكتٸ ۇستالدى, - دەپ حابارلايدى kaz.tengrinews.kz تٸلشٸسٸ.
"8 قازاندا كٷدٸكتٸ ۇستالدى - الماتى وبلىسى, تالعار اۋدانىنىڭ 1984 جىلعى تۇرعىنى. كريمينالدىق پوليتسييا مەدەۋ اۋداندىق ٸٸب ەرٸپتەستەرٸمەن بٸرٸگە وتىرىپ, قىلمىسكەردٸ انىقتاۋعا باعىتتالعان كەشەندٸ شارالاردى جٷرگٸزدٸ. قر قىلمىستىق-پروتسەسسۋالدىق كودەكسٸنٸڭ 128-بابىنا سەيكەس كٷدٸكتٸ ۋاقىتشا ۇستاۋ يزولياتورىنا قامالدى. ەر ادام كٸنەسٸن مويىندادى", - دەپ حابارلادى الماتى قالالىق ٸٸد كريمينالدىق پوليتسييا باسقارماسىنىڭ باسشىسى جانبولات زيادين.
"ول جەكە مەنشٸك جٷرگٸزۋٸشٸ, سول كٷنٸ قىزدى الىپ كەتٸپ, قورلاپ, قىلعىندىرعان. قىلمىسىن جاسىرۋ ماقساتىندا قىزدىڭ دەنەسٸن زيراتتىڭ ماڭىنا قالدىرىپ كەتكەن. ادام ٶلتٸرۋ دەرەگٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. ول وسى ۋاقىتقا دەيٸن جاسىرىنىپ جٷردٸ, بٸراق ونىڭ اتى-جٶنٸن بٸردەن انىقتادىق", - دەدٸ زيادين.
ەسكە سالا كەتەيٸك, قىز بيىل مەديتسينالىق جوو-عا گرانتقا تٷسۋدٸ جوسپارلاعان بولاتىن. تالاپكەر 10 شٸلدەدە ساعات 18.00-دەن كەيٸن بايلانىسقا شىقپاعان. نازەركەنٸڭ وتباسى الماتى ماڭىنداعى تالعار اۋدانىندا ورنالاسقان تۇزدىباستاۋ اۋىلىندا تۇرادى.
نازەركە ەرٸپ - بيىل مەكتەپ بٸتٸرٸپ, ۇبت-دان 100 بالل العان. قىز اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنە تٷسكٸسٸ كەلگەن. قۇربىسى حابارلاندىرۋدا كٶرسەتٸلگەن مەرزٸمنٸڭ دۇرىس ەمەس ەكەنٸن جەنە ونىڭ 10 شٸلدەدە جوعالعانىن ايتتى.
مۇنىڭ الدىندا 18 جاستاعى تٷلەك نازەركە ەرٸپتٸڭ اناسى قىزدى ۇستاپ وتىرۋى مٷمكٸن دەگەن ادامداردان ونى ٷيٸنە جٸبەرۋٸن سۇراعان ەدٸ.
ال 6 قىركٷيەكتە ۇشتى-كٷيلٸ جوعالعان 18 جاستاعى قىز ٶلٸ تابىلعان ەدٸ.
