Almaty respýblikalyq psihiatriialyq saýyqtyrý ortalyǵynda resmi túrde nashaqor dep tanylǵan 100-den astam bala emdelip jatyr. Taǵy 150-ge jýyq jasóspirim tirkelgen. Bul týraly "Habar 24" telearnasy siýjetinde aityldy, - dep habarlaidy Tengrinews.kz.
Emdelýshilerdiń biri - dziýdodan sport sheberi, 17 jasta. Ol eki aidan beri dári-dármek iship, emdelip jatyr. Esirtkini alǵash ret 16 jasynda, súigen qyzymen ajyrasqannan keiin qoldanǵan.
"Kúni-túni úide bolmaitynmyn, kireberiste eki kúndep otyra beretinmin. Uiyqtamai, tamaq ishpei. Qoldanǵanda (esirtki - esk.) eń uzaq úide bolmaǵanym toǵyz kún boldy. Toǵyz kúnde 17 keli tastadym. Tamaq ishpedim, uiyqtamadym. Únemi kireberiste boldym. Ata-anam: "Boldy, Danil, tynyshtal" dep aityp ketetin", - dedi Danil.
Mamandardyń aitýynsha, nashaqorlar sany jyl sanap artyp keledi.
"Biz psihotroptyq zattardyń jańa klasyna jatqyzatyn esirtkini qoldanatyndar sany artyp barady", - deidi psihiatr-narkolog Gúlmira Sádýaqasova.
