الماتى رەسپۋبليكالىق پسيحياترييالىق ساۋىقتىرۋ ورتالىعىندا رەسمي تٷردە ناشاقور دەپ تانىلعان 100-دەن استام بالا ەمدەلٸپ جاتىر. تاعى 150-گە جۋىق جاسٶسپٸرٸم تٸركەلگەن. بۇل تۋرالى "حابار 24" تەلەارناسى سيۋجەتٸندە ايتىلدى, - دەپ حابارلايدى Tengrinews.kz.
ەمدەلۋشٸلەردٸڭ بٸرٸ - دزيۋدودان سپورت شەبەرٸ, 17 جاستا. ول ەكٸ ايدان بەرٸ دەرٸ-دەرمەك ٸشٸپ, ەمدەلٸپ جاتىر. ەسٸرتكٸنٸ العاش رەت 16 جاسىندا, سٷيگەن قىزىمەن اجىراسقاننان كەيٸن قولدانعان.
"كٷنٸ-تٷنٸ ٷيدە بولمايتىنمىن, كٸرەبەرٸستە ەكٸ كٷندەپ وتىرا بەرەتٸنمٸن. ۇيىقتاماي, تاماق ٸشپەي. قولدانعاندا (ەسٸرتكٸ - ەسك.) ەڭ ۇزاق ٷيدە بولماعانىم توعىز كٷن بولدى. توعىز كٷندە 17 كەلٸ تاستادىم. تاماق ٸشپەدٸم, ۇيىقتامادىم. ٷنەمٸ كٸرەبەرٸستە بولدىم. اتا-انام: "بولدى, دانيل, تىنىشتال" دەپ ايتىپ كەتەتٸن", - دەدٸ دانيل.
مامانداردىڭ ايتۋىنشا, ناشاقورلار سانى جىل ساناپ ارتىپ كەلەدٸ.
"بٸز پسيحوتروپتىق زاتتاردىڭ جاڭا كلاسىنا جاتقىزاتىن ەسٸرتكٸنٸ قولداناتىندار سانى ارتىپ بارادى", - دەيدٸ پسيحياتر-ناركولوگ گٷلميرا سەدۋاقاسوۆا.
