Almaty qalasynyń Bostandyq aýdany ákiminiń orynbasary Janar Sádýaqasova onlain brifing barysynda karantindi saqtamaǵan nysandar týraly aitty, dep habarlaidy "Ult aqparat".
Onyń aitýynsha, aýdandaǵy monitoring toby adamdar kóp jinalatyn nysandarda karantin sharalary qalai júrgizilip jatqanyn qatań baqylaýda. Tek 8 qarashadan beri 384 nysandy tekserip úlgergen. Nátijesinde 57 nysannyń karantin erejelerin buzǵany anyqtalǵan. Ol boiynsha 7 hattama toltyrylyp, 2 mln teńgeden astam somaǵa aiyppul salyndy. Onyń ishinde 6 jaǵdai maska taǵý rejimin buzý boiynsha tirkelgen.
«Qazir aýdandaǵy monitoring toptar kúsheitilgen rejimde jumys istep jatyr.Sondai-aq onyń qatarynda qoǵam belsendileri men Jas Otan-dyqtar, volonterler bar. Olar ótken túnde 59 nysandy tekserdi. Tekseris kezinde 51 nysan jabyq bolǵan, al 8-inde zańbuzýshylyq tirkeldi. Meiramhana, kompiýterlik klýb siiaqty 5 nysannyń jumysy birden toqtatylyp, kelýshiler shyǵaryldy. Sonymen qatar, kelýshiler sany 50 paiyzdan asyp ketken saýna tirkeldi. Budan bólek 150 adam jinalyp, qyz uzatý jasap jatqan «Han saraiy» meiramhanasynyń jumysy toqtatyldy», - dedi Janar Sádýaqasova.
