الماتى قالاسىنىڭ بوستاندىق اۋدانى ەكٸمٸنٸڭ ورىنباسارى جانار سەدۋاقاسوۆا ونلاين بريفينگ بارىسىندا كارانتيندٸ ساقتاماعان نىساندار تۋرالى ايتتى, دەپ حابارلايدى "ۇلت اقپارات".
ونىڭ ايتۋىنشا, اۋدانداعى مونيتورينگ توبى ادامدار كٶپ جينالاتىن نىسانداردا كارانتين شارالارى قالاي جٷرگٸزٸلٸپ جاتقانىن قاتاڭ باقىلاۋدا. تەك 8 قاراشادان بەرٸ 384 نىساندى تەكسەرٸپ ٷلگەرگەن. نەتيجەسٸندە 57 نىساننىڭ كارانتين ەرەجەلەرٸن بۇزعانى انىقتالعان. ول بويىنشا 7 حاتتاما تولتىرىلىپ, 2 ملن تەڭگەدەن استام سوماعا ايىپپۇل سالىندى. ونىڭ ٸشٸندە 6 جاعداي ماسكا تاعۋ رەجيمٸن بۇزۋ بويىنشا تٸركەلگەن.
«قازٸر اۋدانداعى مونيتورينگ توپتار كٷشەيتٸلگەن رەجيمدە جۇمىس ٸستەپ جاتىر.سونداي-اق ونىڭ قاتارىندا قوعام بەلسەندٸلەرٸ مەن Jas Otan-دىقتار, ۆولونتەرلەر بار. ولار ٶتكەن تٷندە 59 نىساندى تەكسەردٸ. تەكسەرٸس كەزٸندە 51 نىسان جابىق بولعان, ال 8-ٸندە زاڭبۇزۋشىلىق تٸركەلدٸ. مەيرامحانا, كومپيۋتەرلٸك كلۋب سيياقتى 5 نىساننىڭ جۇمىسى بٸردەن توقتاتىلىپ, كەلۋشٸلەر شىعارىلدى. سونىمەن قاتار, كەلۋشٸلەر سانى 50 پايىزدان اسىپ كەتكەن ساۋنا تٸركەلدٸ. بۇدان بٶلەك 150 ادام جينالىپ, قىز ۇزاتۋ جاساپ جاتقان «حان سارايى» مەيرامحاناسىنىڭ جۇمىسى توقتاتىلدى», - دەدٸ جانار سەدۋاقاسوۆا.
