Foto: threads.com/@yelena.sokolova.coach
Almatyda Sairan jaǵalaýynda 15 jastaǵy qyzǵa beitanys er adamnyń tiiskeni týraly oqiǵa qoǵamda rezonans týdyrdy. Qazir kúdiktiniń jeke basy anyqtalyp, ol izdestirilip jatyr, dep habarlaidy Ult.kz.
Oqiǵa týraly jasóspirimniń anasy áleýmettik jelide jazba jariialaǵan. Onyń aitýynsha, jaǵdai 7 mamyr kúni tańerteń Sairan kóli jaǵalaýynda bolǵan.
«Ol qyzymdy ózimen birge ketýge kóndirmek bolyp, esirtki usynǵan, ádemi sózder aitqan. Qyzym der kezinde ketip qalǵan, biraq kez kelgen basqa bala zardap shegýi múmkin edi», – dep jazdy ol.
Anasynyń sózinshe, er adam qyz otyrǵan oryndyq mańynda biraz ýaqyt júrgen, keiin janyna kelip sóilesken. Jasóspirim onyń sózderin daýystyq jazbaǵa túsirip úlgergen.
Oqiǵaǵa qatysty Almaty qalalyq Politsiia departamenti pikir bildirdi. Vedomstvo málimetinshe, kúdiktiniń jeke basy anyqtalǵan, alaida ol áli ustalǵan joq.
«Almaly aýdandyq politsiia basqarmasy qylmystyq is qozǵady. Kúdiktini ustaýǵa baǵyttalǵan jedel sharalar júrgizilip jatyr. Onyń áreketine zańǵa sáikes quqyqtyq baǵa beriledi», – delingen habarlamada.
Politsiia azamattardy mundai jaǵdailarǵa beijai qaramaýǵa jáne kúmándi áreketter týraly dereý 102 nómirine habarlaýǵa shaqyrdy.
