Almatyda 14 jastaǵy qyz joǵalyp ketti, dep habarlaidy QazAqparat.
Jasóspirim 16 qyrkúiek kúni Alataý aýdanyndaǵy №91 mektepten keshki ýaqytta shyǵyp ketken.
«Ústinde qara fýtbolka, qara djinsy, aiaǵynda aq tústi krossovka, qolynda riýkzak bolǵan. Onyń shashy qyzǵylt sary túske boialǵan, dene bitimi ortasha. Boiy - 160-165 sm», - dep habarlady eriktiler.
Politsiianyń málimetinshe, qyzdyń ata-anasy quzyrly organǵa túnde shaǵymdanǵan.
«Qazirgi ýaqytta izdeý sharalary uiymdastyryldy. Mán-jai anyqtalyp, qyzdyń jan-jaǵyndaǵy adamdardan surastyryp jatyrmyz», - dep atap ótti Alataý aýdandyq politsiia basqarmasy.
