Almatylyq politseiler reseilik áriptesterine 13 jyl boiy izdeýde júrgen qaraqshyny ustaýǵa kómektesti, dep habarlaidy Polisia.kz.
2008 jyly kámeletke tolmaǵan 1990 jylǵy M. esimdi azamat pen onyń dosy P. Reseidiń Saratov oblysyndaǵy Engels qalasynda bir áielge qaraqshylyq shabýyl jasap, onyń aqshasyn tonaǵan.
«Saratov oblysy Engels mýnitsipaldy aýdany IIB-nyń tergeý basqarmasy Resei Federatsiiasynyń qylmystyq kodeksiniń 162-baby 2-tarmaǵy «Qaraqshylyq shabýyl» boiynsha qylmystyq is qozǵaǵan. Qaraqshylardyń bireýi dereý ustalyp, 4,5 jylǵa sottalǵan. M. esimdi azamat qashyp ketken. 2008 jyldyń shildesinde qaraqshy memleketaralyq jáne halyqaralyq izdeýge jariialandy», - dep málimdedi Almaty qalasy PD qylmystyq basqarmasynyń bastyǵy Erkin Ińkárov.
13 jyl óte Almaty qalasynyń politsiia qyzmetkerleri jedel-izdestirý sharalaryn júrgizý barysynda qashqyndy ustady. Kúdikti qazir qamaýǵa alynyp, ýaqytsha ustaý izoliatoryna ornalastyrylǵan. Qylmyskerdi ekstradatsiialaý máselesi Minsk konventsiiasyna sai sheshiledi.
