Jambyl oblysynda ótken jyly júkti bolǵan jasóspirim qyz sábi dúniege ákeldi. Qazir ana men balanyń jaǵdaiy turaqty, dep habarlaidy ult.kz.
31-arnanyń “Informbiýro” jańalyqtar baǵdarlamasynyń málimetinshe, qyz bala aýdandyq aýrýhanadan Taraz qalasyndaǵy oblystyq perinataldyq ortalyqqa jetkizilip, kesar tiligi arqyly bosanǵan. Meditsinalyq kómekten keiin ana men náreste turǵylyqty jeri boiynsha baqylaýǵa alynǵan.
Al jábirlenýshiniń jaqyndary is boiynsha kúdiktilerdiń áli kúnge deiin jaýapqa tartylmaǵanyna alańdaýly. Olardyń aitýynsha, tergeý bir jylǵa jýyq ýaqytqa sozylyp, is sotqa jetpegen.
Jambyl oblysy politsiia departamenti atalǵan fakti boiynsha sotqa deiingi tergeý jalǵasyp jatqanyn habarlady. Vedomstvo málimetinshe, qylmystyq is aiasynda qajetti protsessýaldyq jáne tergeý áreketteri júrgizilip, dáleldemeler jinalýda.
Politsiia ókilderi balanyń dúniege kelýin kútý DNQ saraptamasyn júrgizý qajettiligimen bailanysty bolǵanyn túsindirdi. Qazirgi ýaqytta is boiynsha barlyq mán-jailar anyqtalyp jatyr.
Jábirlenýshi tarap tergeý nátijesinde iske qatysy bar barlyq tulǵalarǵa quqyqtyq baǵa beriledi dep úmittenedi.
