Kórneki sýret: elements.envato.com
Almatylyq hirýrgtar balanyń asqazanynan 900 gramm shash pen júndi alyp tastady, - dep habarlaidy Tengrinews.kz saity.
Almaty qalasynyń №2 qalalyq balalar klinikalyq aýrýhanasyna 10 jastaǵy naýqas ishtiń aýyrsynýyna, qusýǵa, álsizdikke, mazasyzdyqqa shaǵymdanyp shuǵyl túsken. Qursaq qýysy músheleriniń kompiýterlik tomografiiasynda asqazanynan bógde zat (bezoar) anyqtalǵan.
Klinika hirýrgtary bóten zatty hirýrgiialyq jolmen alyp tastaýǵa, iaǵni gastrotomiia jasaýǵa sheshim qabyldaǵan.
"Operator Marat Qaptaǵaev, assistent Azat Oljabaev jáne anesteziolog-reanimatolog Jandos Sholahov 90 minýtqa sozylǵan operatsiiany sátti aiaqtady. Olar asqazan men on eki eli ishekten 900 gramm shash pen júndi alyptastady", - dedi balalar aýrýhanasynyń baspasóz qyzmeti.
Anasynyń aitýynsha, balanyń shashyn, júnnen jasalǵan buiymdardy, kiizdi shainap, jutyp qoiatyn jaman ádeti bolǵan.
