كٶرنەكٸ سۋرەت: elements.envato.com
الماتىلىق حيرۋرگتار بالانىڭ اسقازانىنان 900 گرامم شاش پەن جٷندٸ الىپ تاستادى, - دەپ حابارلايدى Tengrinews.kz سايتى.
الماتى قالاسىنىڭ №2 قالالىق بالالار كلينيكالىق اۋرۋحاناسىنا 10 جاستاعى ناۋقاس ٸشتٸڭ اۋىرسىنۋىنا, قۇسۋعا, ەلسٸزدٸككە, مازاسىزدىققا شاعىمدانىپ شۇعىل تٷسكەن. قۇرساق قۋىسى مٷشەلەرٸنٸڭ كومپيۋتەرلٸك توموگرافيياسىندا اسقازانىنان بٶگدە زات (بەزوار) انىقتالعان.
كلينيكا حيرۋرگتارى بٶتەن زاتتى حيرۋرگييالىق جولمەن الىپ تاستاۋعا, ياعني گاستروتومييا جاساۋعا شەشٸم قابىلداعان.
"وپەراتور مارات قاپتاعاەۆ, اسسيستەنت ازات ولجاباەۆ جەنە انەستەزيولوگ-رەانيماتولوگ جاندوس شولاحوۆ 90 مينۋتقا سوزىلعان وپەراتسييانى سەتتٸ اياقتادى. ولار اسقازان مەن ون ەكٸ ەلٸ ٸشەكتەن 900 گرامم شاش پەن جٷندٸ الىپتاستادى", - دەدٸ بالالار اۋرۋحاناسىنىڭ باسپاسٶز قىزمەتٸ.
اناسىنىڭ ايتۋىنشا, بالانىڭ شاشىن, جٷننەن جاسالعان بۇيىمداردى, كيٸزدٸ شايناپ, جۇتىپ قوياتىن جامان ەدەتٸ بولعان.
